Konsultime

Për Lindën

Linda Duraku Muçolli

Farmaciste. Edukatore për shëndetin e femrës në midlife. Dhe një femër në midlife vetë.

Puna ime është ta përkthej shkencën për perimenopauzën, menopauzën dhe plakjen e shëndetshme në një gjuhë që e kupton — që ti të marrësh vendime më të informuara dhe të flasësh më lehtë me mjekun tënd.

Ndiq në InstagramKonsultime
Linda Duraku Muçolli, me syze dhe krahët e kryqëzuar, para një muri prej druri
LINDA-portrait Linda's existing portrait

Farmacia: aty ku nisin pyetjet

Jam farmaciste. Kam punuar në farmaci komunitare, në sektorin farmaceutik dhe në mjedise të tjera të shëndetësisë. Në farmaci, njerëzit vijnë shpesh me pyetje që nuk kanë arritur t’ia bëjnë askujt tjetër — dhe aty mësova sa shumë vlen një shpjegim i qartë, i dhënë në kohë.

Pastaj vazhdova me masterin në Menaxhim Shëndetësor, sepse doja ta kuptoja shëndetin edhe në nivel më të gjerë: si funksionojnë sistemet, pse parandalimi ka rëndësi dhe pse informacioni i besueshëm duhet të jetë i arritshëm për të gjithë.

Pse pikërisht midlife

Me kohë vura re një boshllëk: shumë femra arrijnë në fund të të 30-ave, në të 40-at ose në fillim të të 50-ave pa e ditur çfarë mund të nisë të ndryshojë në trupin e tyre. E dinë fjalën “menopauzë”, por e lidhin vetëm me ndalimin e menstruacioneve dhe me valët e nxehtësisë.

Prandaj e vazhdova edukimin tim posaçërisht për menopauzën dhe shëndetin e femrës në midlife — dhe vazhdoj ta bëj, sepse shkenca këtu ecën shpejt.

Pse Midlife Glow

Në shqip ka ende shumë pak informacion të mirë për perimenopauzën dhe menopauzën. Midlife Glow nisi si një projekt edukativ në Instagram, për ta mbushur pak nga pak këtë boshllëk — me fjalë të thjeshta dhe me burime të besueshme.

Kjo faqe është hapi i radhës: një vend i qetë ku mund të lexosh, të kuptosh dhe të përgatitesh për bisedën me mjekun tënd.

Filozofia ime

Jo frikë. Kuptim — dhe një dritare mundësish.

Perimenopauza nuk duhet parë vetëm si një fazë e vështirë që duhet duruar. Është edhe një dritare: koha kur ajo që bën për zemrën, kockat, muskujt, trurin dhe gjumin ka ndikim për 20–30 vitet që vijnë.

Mbështetem te dëshmitë dhe te organizatat serioze të shëndetit të femrës. I them gjërat thjesht, por jo thjeshtëzuar. Dhe kur diçka nuk dihet ende, e them hapur.

Unë nuk jam mjeke — dhe nuk dua të zë vendin e mjekut tënd. Roli im është të të ndihmoj ta kuptosh çfarë po ndodh, të bësh pyetjet e duhura dhe të dish kur është koha për vlerësim mjekësor.

LINDA-trail Linda trail running on a mountain path near Prishtina or in the Sharr/Rugova mountains, early light, mid-stride, focused and joyful, technical running gear; shot from slightly below with landscape behind. Vertical 4:5.

Në jetën time

Vrapoj për veten që do të jem pas 20 vjetësh

Jam nënë, profesioniste e shëndetit dhe një femër shumë aktive. Vrapoj në distanca të gjata dhe në shtigje mali, dhe stërvitja e forcës është pjesë e javës sime.

Jo për të dukur ndryshe. Por sepse e di çfarë do të thotë muskuli, kocka dhe zemra për vitet që vijnë — dhe sepse midlife e jetoj edhe unë: me punën, prindërimin, energjinë, gjumin dhe gjithçka tjetër.

Përvoja ime personale më ndihmon ta kuptoj. Por bazë e asaj që ndaj mbetet gjithmonë edukimi profesional dhe dëshmitë shkencore.

Formimi

Edukimi im

Një bazë në farmaci dhe menaxhim shëndetësor, e plotësuar me edukim të specializuar për menopauzën dhe shëndetin e femrës në midlife. Dhe një zhvillim profesional që vazhdon.

  • FarmacisteArsimim universitar në farmaci
  • Master në Menaxhim ShëndetësorMaster's degree in Health Management
  • Mayo ClinicEdukim për menopauzën (Mayo Clinic menopause education)
  • The Health Sciences AcademyLevel 5 Menopause Health training
  • Mid-Life Women’s HealthCertifikim për shëndetin e femrës në midlife
  • Applied Behaviour Coaching SkillsAftësi për ndryshimin e sjelljeve dhe zakoneve
  • Edukim i vazhdueshëmPër menopauzën, perimenopauzën dhe shëndetin e femrës

Le ta bëjmë midlife më të kuptueshme — bashkë.

Fillo me perimenopauzën @midlifeglow.melinden